Gjykata e Tiranës ka marrë vendimin këtë të mërkurë lidhur me 4 protestuesit e arrestuar gjatë protestës së Partisë Demokratike që u mbajt të hënën para Kryeministrisë. Gjykata ka vendosur të lirojë 4 të arrestuarit dhe ka caktuar masën “detyrim paraqitje” ndaj tyre.
Gjithashtu lidhur me incidentet e regjistruara janë proceduar edhe 6 persona. Mes tyre është edhe një i mitur 16-vjeçar. Të arrestuarit të cilët u lanë nën masën “detyrim paraqitje” janë Albi Kryeziu, Erlis Sina, Xhekson Dedaj dhe Artan Hysenaj.
Gjatë zhvillimit të tubimit, disa prej pjesëmarrësve kanë kundërshtuar punonjësit e Policisë së Shtetit si dhe kanë hedhur drejt tyre lëndë djegëse, molotovë.
