Ashtu siç pritej, Sali Berisha ka reaguar ashpër ndaj “foltores” së Ervin Salianjit në Durrës.
Ai i ka shpallur “grup armiqësor”, ata që kanë marrë pjesë në atë takim.
“Ata ishin një grup të pakënaqurish sepse nuk u futën në listat për deputetë.
Kishte të tjerë që punuan për PS-në dhe kanë frikë për analizën që u bë.
Prandaj duhet analiza në parti, sepse ata që i kanë tradhtuar militantët, sigurisht që do japin hesapin para strukturave. Ata që morën pushimet turistike në fushatë.
Do ketë një llogaridhënie të plotë nga të gjithë strukturat”, tha ndër të tjera Berisha, gjatë fjalës së tij.
Ndryshe nga sa prisnin ata që morën pjesë në takimin e Durrësit, për reflektim nga Berisha dhe drejtuesit e tjerë të PD-së, tashmë ata janë shpallur “grup armiqësor”, duke e bunkerizuar edhe më shumë Partinë Demokratike.
Sepse tashmë është e ditur, kush del kundër Berishës, shpallet armik.
Ndaj dhe askush nga deputetët e PD-së, nuk guxuan të thoshin një fjalë për lëvizjen e Ervin Salianjit!
