Qeveria Rama ka miratuar disa ndryshime që kanë të bëjnë me bonusin e veçantë për personat me aftësi të kufizuara dhe kujdestarët e tyre.
Ministri Petrit Malaj bën me dije se bonusi arrin vlerën e 150 eurove dhe do ta përfitojnë 148.500 persona.
“Mbështetje financiare për familjet me ndihmë ekonomike me 150 mijë lekë te vjetra, janë 148 mijë përfitues me fond 2.2 miliardë lekë si për shpërblimin e familjeve në nevojë dhe për personat me aftësi ndryshe. Fermerët do të përfitojnë 2 mld lekë shtesë përmes skemave mbështetëse. 1.2 mld lekë shtesë për pushtetin vendor për të shlyer borxhet e pushtetit vendor. Kjo vlerë është e barabartë me 40% të detyrimeve të pushtetit vendor”, tha Ministri.
