Në këtë fundvit, qeveria shqiptare ka ndërmarrë nismën e amnistisë penale, e cila i jep lirinë 380 personave të dënuar me burg.
Kjo nismë pritet të ndikojë drejtpërdrejt në sistemin e burgjeve, ndërsa ministria e Drejtësisë e drejtuar nga Besfort Lamallari thotë se amnistia ka për qëllim parimet e humanizmit dhe afrimin me standardet evropiane.
I njëjti lajm gjithashtu është publikuar dhe nga kryeministri Edi Rama ku theksohet se përveç lirimit të menjëhershëm për një numër të caktuar personash, 900 të tjerë marrin ulje dënimi si dhe popullimi i burgjeve do të ulet me gati 7%.
Të përfshirë në kategorinë përfituese janë të miturit, gratë dhe persona të dënuar për vepra me rrezikshmëri të ulët shoqërore, duke theksuar se nga amnistia nuk përfitojnë ato që kanë kryer krime të rënda apo janë dënuar nga GJKKO ose të akuzuar për korrupsion.
