Një moment që dukej krejt i pafajshëm në oborrin e shtëpisë, ku banorët po shijonin disa akullore, është shndërruar papritur në një arenë sherri mes Brikenës dhe Keijsit.
Shkëndija e parë erdhi nga një batutë e Brikenës, e cila i tha me humor Keijsit se e kishte parë “me këmbët përpjetë”.
Por, kjo shaka nuk është kapërdirë aspak nga banori, i cili ka shpërthyer menjëherë në akuza, duke e konsideruar komentin si mungesë respekti dhe sjellje të pahijshme.
Reagimi i tij ka qenë i ashpër dhe i drejtpërdrejtë, duke e goditur Brikenën me të njëjtën monedhë, por me tone shumë më të larta.
“Niveli yt janë këmbët përpjetë? The e mban akulloren në gojë gjithë ditën,” iu drejtua ai banores, duke e degraduar bisedën në një nivel personal që ka shokuar edhe banorët e tjerë prezentë.
Ajo që nisi si një pasdite e qetë, përfundoi në ofendime të ndërsjella, duke dëshmuar se durimi i banorëve është në limitet e tij.
