Lim Hoti është përfshirë në një debat të ashpër me ish-partneren e tij, Alba Pollozhanin, duke shkaktuar një situatë të tensionuar që ka lënë të gjithë të befasuar.

Gjatë një bisede të drejtpërdrejtë, ai ka shpërthyer në akuza të rënda ndaj saj, duke e akuzuar për mungesë kontakti me prindërit e saj dhe për një sjellje që ai e konsideron të papranueshme.

“Ti s’ke kontakt me mamin dhe babin, çfarë babi e mami po flet ti? Kurrë nuk ke marrë këshilla as nga mami e babi. Unë po ta them”, ka thënë ai, duke theksuar se këto janë fakte që e vërtetojnë karakterin e saj.

Lim Hoti e ka quajtur Albën “të pamoralshme”, duke përfshirë këtu edhe Ludo Lee, me të cilin ajo ka shprehur interesim. Këto fjalë kanë sjellë një reagim të fortë nga ana e saj.

“Loja jote është e djegur. E bën edhe në realitet. Ti je false. Ti mos me pas kamera nuk të intereson kush është i martuar apo jo”, ka vazhduar ai, duke e akuzuar për hipokrizi dhe për një sjellje që e konsideron të dëmshme.

Alba, e prekur nga fjalët e tij, ka filluar të qaj dhe t’i kërkojë llogari për gjithë këto akuza, duke e bërë situatën edhe më dramatike për të pranishmit në shtëpi.

Ky incident ka ngjallur shumë diskutime mes banorëve të tjerë, të cilët janë të habitur nga intensiteti i debatit dhe nga mënyra se si Lim ka zgjedhur të shprehë mendimet e tij.

Me këtë situatë, Big Brother ka treguar sërish se si emocionet dhe tensionet mund të arrijnë kulmin në një ambient të tillë, duke lënë të gjithë në pritje të zhvillimeve të ardhshme.