Gjatë takimi që mbajti sot në Divjakë me fermerët, Rama tha se duhet që të largohet pasi ka një takim me një delegacion të huaj që nuk e shtyn dot, por për të vijuar me dëgjesat me ta do të qëndrojnë ministrat dhe kreu i bashkisë.
Gjatë këtij momenti një prej fermerëve u ngrit në këmbë dhe i tha se duhej ta dëgjonte në lidhje me shqetësimin që ka. Rama iu kthye duke i thënë se nuk mund të ngrihet para të tjerëve dhe të marrë fjalën me forcë, dhe se nuk mund t’i imponohet kush me forcë.
Fermeri: Punoj 8 deri në 10 hektarë tokë, jemi shtresa më e pambrojtur…
Rama: Për çfarë?
Fermeri: I thamë ministrit na mbro se po hyn mall nga jashtë…
Rama: Kjo nuk ekziston…
Fermeri: Kam respekt por jam qytetar…
Rama: O miku im, unë kam një problem shumë të madh, mua njeri nuk më imponohet me zor, ti nuk më imponohesh dot me forcë që ta marrësh fjalën mbi të tjerët dhe të flasësh. Ulu sepse ka radhë dhe ka edukatë, nuk merret fjala me zor. Ka një rend fjalësh, janë 500 veta këtu.
Fermeri: Të njëjtin hall kemi
Rama: Sikur të çoheshin në të njëjtën kohë dhe të imponoheshin siç imponohesh ti do bëhej lemeri…. të lutem se po e tepron, unë nuk rri dot sepse duhet të jam me një delegacion të huaj, jo se nuk dua të të dëgjoj. Ajo që the nuk ekziston, nuk ekziston në një ekonomi të hapur mbyllja e kufijve për produktet, sepse do ti, para se të akuzosh mundohu të kuptosh se çfarë thotë tjetri. Mos më ndërprit, kështu si të them unë.
