Meteorologia Ladja Porja ka dhënë detaje mbi reshjet e shiut që kanë përfshirë Shqipërinë që me nisjen e muajit shkurt.

Porja thekson se reshjet e shiu do vazhdojnë gjatë gjithë muajit, ndërsa në javën e fundit të shkurtit pritet përmirësim i motit.

Meteorologia shton se Shkurti do karakterizohet i ngrohtë me tempratura relativisht të larta por shoqëruar me rebeshe.

“Do mbetemi në kushte të paqëndrueshme atmosferike. Nesër pasdite pra të mërkurën, do ketë reshje më të dendura. Edhe dita e enjte dhe e premte gjatë paradites do jetë me reshje dhe vranësira, ndërsa pasditeve do ketë rebeshe shiu. Fundjava parashikohet të jetë e paqëndrueshme gjithashtu. Të gjitha ditët do jenë me reshje shiu, ku më të rrezikuarat do jenë dita e mërkurë dhe e dielë. Kryesisht Shkodra, Lezha, dhe Durrësi do jenë ato qytete me intensitete të larta të shiut, pastaj dhe i gjithë jugu Vlora, Saranda, Gjirokastra, Permeti, Tepelena mbeten të ekspozuara nga rebeshet. Nesër do të kemi stuhi të forta ere kryesisht në bregdet, duke sjellë problem në trafikun detar”, tha Porja.