Kreu i PD-së, Sali Berisha, u paraqit ditën e sotme në Prokurorinë e Posaçme në zbatim të masës detyrim paraqitje që ka dhënë gjykata, ndërkohë në dalje të saj, si përherë, e ka lënë fantazinë në gjendje të lirë dhe është shprehur se Altin Troplini kishte mbledh BKH-në dhe po lexonte urdhrin e fundit të Edi Ramës.

“Po të kërkoni të futeni në atë ndërtesë nuk ju lejojnë sepse po zhvillohej një takim i veçantë. Altin Tropolini kishte mbledhur BKH dhe po i lexonte urdhrin e fundit të Edi Ramës. Do të çarmatosen që të gjithë agjentët e BKH dhe do armatosen me patllake dërrase, më patllake të vërteta nuk do kenë se na tmerruan kryeministrin. E kishte mbajtur të fshehtë 20 e ca ditë. Rama i tmerruar e mbajti të fshehtë dhe e nxori pas vendimit të GJK.

Kjo i dha zemër Edi Ramës. Shikoni pse foli dje ai?! Ai foli dje sepse pas vendimit të GJK mbyllet absolutisht cdo mundësi e institucionit të hetimit të hetojë ministrin. Ai mori garanci të plotë për këtë, sepse në rast se nuk ka pezullim imunitetin dhe arrestimin ai nuk e lejon kurrë, sic nuk e lejoi në rastin e Saimir Tahiri. Ajo masë që u kishte ngelur në dorë ishte pezullimi. Pasi pariti GJK deri në tjegulla e bllokoi një masë të tillë, një akt si ky nuk ka ndodhur kurrë. Por unë kam bindjen se qytetarët shqiptarë në 22 dhjetor do mblidhen në tiranë për ti dhënë përgjigjen më të merituar.” – u shpreh, veç të tjerahs, Berisha.