Mbrëmja e djeshme në “Big Brother VIP Albania” është shoqëruar me nota ironie mes moderatorit Ledion Liço dhe opinionistes Monika Kryemadhi.
Pas batutave virale të javës së shkuar, moderatori ka shkaktuar sërish reagime, duke lënë të kuptohet se mbështetja që Kryemadhi u ofron banorëve të caktuar mund të mos jetë e paanshme apo pa interesa.
Gjatë diskutimit mbi aleancat e reja në shtëpi, ndërsa Kryemadhi po argumentonte se mbron gjithmonë ata që janë të drejtë, Liço ndërhyri me një koment të drejtpërdrejtë që vendosi në siklet opinionisten.
“Monika, ne të njohim… e dimë që në këtë shtëpi (dhe jashtë saj) asnjë mbrojtje nuk është falas. Çfarë po kërkon në këmbim?” u shpreh ai.
E gjendur përballë kësaj situate, Kryemadhi u përgjigj shkurt se “besnikëria nuk blihet”, ndonëse tensioni në studio ishte lehtësisht i dallueshëm.
