Gazetari dhe analisti nga Kosova, Milaim Zeka është paraqitur sot në ambientet e Strukturës së Posaçme Kundër Korrupsionit dhe Krimit të Organizuar (SPAK).
Zeka është parë rreth orës 15:00 në ambientet e SPAK, ku është përshëndetur edhe me gazetarët.
Para se të futej në SPAK, Zeka është parë duke u përqafuar me gazetaren e Top Chanel, Anila Hoxha.
Pas daljes nga Prokuroria e Posaçme, Milaim Zek, tha për gazetarët se arsyeja e paraqitjes së tij në SPAK, ishte për arsye pune.
“Thjesht isha për intervistë me zotin Dumani. Kam një vit që kërkoj intervistë”, tha Zeka për gazetarët.
