Mateo ka arritur një sukses të jashtëzakonshëm duke u shpallur banori më i preferuar i publikut në edicionin aktual të “Big Brother VIP Albania”.

Ky rezultat i jashtëzakonshëm tregon se ai ka fituar zemrat e shikuesve, duke u bërë një figurë qendrore në dinamikën e shtëpisë më të famshme në Shqipëri.

Pas shpalljes së rezultatit, Mateo shprehu emocionet e tij duke falënderuar publikun për mbështetje. “Jam jashtëzakonisht i lumtur.

I falënderoj jashtë mase.

Jemi këtu vetëm prej publikut dhe gjykohemi prej tij”, tha ai, duke theksuar se mbështetja e shikuesve është thelbësore për çdo banor në lojë.

Ky rezultat nuk e ka befasuar aspak Brikenën, e cila ka zbuluar në një bisedë intime me Mateon se e kishte parashikuar këtë fitore.

Gjatë natës, ndërsa po bisedonin në shtrat, Mateo i ka shprehur habinë e tij për rezultatin, duke i thënë se u gëzua shumë. Por Brikena i është përgjigjur me qetësi dhe siguri: “E dija që do dilje i preferuar”.

Kur Mateo e ka pyetur se si mund të ishte kaq e sigurt, Brikena ka argumentuar se kjo bindje vjen nga mënyra se si ai i menaxhon debatet brenda shtëpisë.

“Kur debaton me dikë, mendimet që ke, për mendimin tim janë shumë të sakta” – i shpjegoi ajo, duke vlerësuar forcën e tij të argumentit.

Ajo pranoi gjithashtu se ishte në dilemë mes tij dhe Gimbos, duke qenë se Gimbo është shumë i sinqertë, por argumentet e forta të Mateos e bënë të besonte se ai do të ishte zgjedhja e publikut.