Gjatë “Foltores” në Mirditë, një demokrat i moshuar, i ka kërkuar Sali Berishës që të reformojë Partinë Demokratike që në thelb.

Ai i tha kryedemokratit, se nuk është PD ajo që populli është në Mirditë dhe Sekretari është në Tiranë. Po ashtu demokrati kishte kritika edhe për deputetët, ku përmendi Elda Hotin, për të cilën tha se nuk e kishte parë asnjëherë në Mirditë.

“Zoti Berisha, partia duhet të reformohet qysh në thelb. Nuk është PD ajo që populli në Mirditë dhe sekretari është në Tiranë.

Nuk është PD ajo kur populli voton në Mirditë dhe deputeti ka 4-5 vjet nuk njihet në Mirditë. 

Kush mund ti thotë deputet atij që përfaqëson Mirditën dhe nuk thotë asnjë fjalë për Mirditën. 

Kush është ajo deputetja Hoti që unë nuk e kam parë kurrë. 

Si mund t’i them deputet të Mirditës atij që nuk flet kurrë për Mirditën? “, i tha i moshuari Berishës.

Ndërsa Sali Berisha garantoj të moshuarin se deputetët do të shkojnë më shpesh në Mirditë për t’u njohur me problematikat e tyre.

“Zef të falenderoj për fjalët e sinqerta që the. Të garantoj që deputetët do të vijnë më shpesh për t’u njohur me problematikat dhe për të qenë zëri i juaj i vërtetë në Parlament”, i tha Berisha qytetarit. GazetaTema.net