Dy banorët e “Big Brother VIP 5”, Mateo dhe Flori, janë përplasur sot në një debat të ashpër brenda shtëpisë.

Gjithçka nisi si shaka nga ana e Florit, i cili nisi të aludonte se ambienti i palestrës ku punon Mateo do të dilte në shitje, madje duke përmendur edhe pronarin disa herë.

Kjo situatë duket se e preku Mateo-n, i cili reagoi menjëherë me ton të ngritur, duke i kërkuar Florit që të mos e përmendte më pronarin.

Ai theksoi se do t’ia shpjegonte arsyen në një moment tjetër, por pavarësisht kësaj, Flori vijoi me të njëjtën qasje, duke e tensionuar edhe më tej debatin.

Në diskutim u përfshinë edhe banorë të tjerë, të cilët u përpoqën të kuptonin situatën dhe të qetësonin gjakrat.

Pjesë nga debati:

Flori: Bëjmë video, shitet ambienti i palestrës. Edhe me gira

Mateo: Ku punoj unë që ta dish ti, nuk ka për të dalë kurrë në shitje,në radhë të parë

Flori: Pronarin e përshëndesim

Mateo: Pusho, të lutem, ta shpjegoj më vonë por mos e përmend më

Flori: Pronarin e përshëndesim

Mateo: Mos e përmend më pra, se ta shpjegoj unë

Lore: Nuk e ke ambientin tënd?

Flori: Hë shpjegoje

Mateo: Mos e përmend

Flori: Mos e ngre zërin

Mateo: Ta shpjegoj më vonë

Lore: Po ta kërkojë kështu, lëre. Unë mendova se e ke ambientin tënd

Keijsi: Varet se si e ka ai situatën jashtë

mateo: Fola ndonjë gjë gabim?

Keijsi: Jo, të dy jeni ne rregull.

Zbulohet se Mateo është prekur pasi pronari i palestrës, njëkohësisht edhe miku i tij, ka ndërruar jetë më parë.