Enkelejd Alibeaj, ish-ministër i Drejtësisë, deklaroi se për kastën politike shqiptare nuk “ka më ditë të bardha”.

“Me mbështetje të hapur të ndërkombëtarëve, SPAK jep atë që është e rëndësishme: stabilitet në këtë luftë. Ikën kush ikën, vjen kush vjen, ikën i kuq, vjen blu, përzihen me njëri-tjetrin… Të paktën kjo pjesë është e qëndrueshme. Për këtë ka nevojë. Në raport me Shtetet e Bashkuara, unë nuk jam shumë dakord me faktin se ndoshta Shtetet e Bashkuara tashmë janë më të fokusuara tek krimi i organizuar dhe kanë lënë korrupsionin pakëz më në hije. Nuk është e vërtetë. Edhe deklarata e ambasadës e tregon fare qartë: korrupsioni që është bërë pengesë për investimet amerikane. Unë nuk kam parë një deklaratë më të fortë për ata që duan dhe dinë ta lexojnë, sesa ajo. Korrupsion i bërë pengesë për investimet amerikane”, tha Alibeaj për A2 CNN.

“Ne duhet të pranojmë dhe gjënë tjetër. Ekzistenca e këtij segmenti të drejtësisë, jo të gjithë drejtësisë, drejtësia penale ndaj korrupsionit dhe krimit të organizuar, ka një efekt që unë me sa shoh, nuk po e fsheh askush, është që të godasë elitën politike me efekt të drejtpërdrejtë për të bërë përmbysje të elitës politike në Shqipëri. As nuk është futje e hundëve në punët e brendshme të një shteti tjetër. Jo, janë fare të qartë.
Recently Spotted Asteroid Set for Near Miss With Earth
Keep Watching

Sot politika shqiptare është e zhytur në korrupsion, është e zhytur në krim të organizuar. Si të marrësh trajektoren, pra të marrësh unazën lindore të korrupsionit apo dhe unazën perëndimore të krimit të organizuar, në një qafë të çojnë: te kasta e korruptuar politike e këtij vendi. Dhe mua kjo më gëzon, me thënë të drejtën. Më gëzon sepse një nga urdhrat më të parë që Presidenti amerikan nxori ishte vërtetë ai për luftën kundër karteleve të drogës dhe me sa duket ka pasur parasysh jo vetëm Amerikën Latine. Tashmë, siç duket, ai urdhër prek edhe këtë vend. E kam bindje, nuk e kam thjesht opinion: ky rienergjizimi i SPAK-ut, ai rreshtim i atyre ambasadorëve edhe të Brukselit tashmë dhe të gjithë Europës, besoj që e ka synimin fare të qartë.

Nëpërmjet një instrumenti të drejtësisë kërkojnë dhe po synojnë fare qartas të bëjnë një përmbysje të nocionit politik të politikës së vjetër në Shqipëri. Kjo kastë politike nuk do ketë më ditë të bardha, përveçse do t’i ketë ditë të mbyllura në qeli dhe jo vetëm në mënyrë individuale. Si koncept qeverisës, kushdo që në këto momente mendon të futet në politikën shqiptare i shtyrë nga sensi i madh patriotik për të ndihmuar shqiptarët, duhet të kuptojë një gjë: në politikë mund të futesh, po tashmë nuk ka më hapësirë për të bërë plaçkë. Po bëre plaçkë, do shkosh te shtatë penxheret”, shtoi Alibeaj.