Shtëpia e “Big Brother VIP Kosova” është përfshirë nga tensione të forta orët e fundit, pas një përplasjeje të ashpër mes Edit dhe Fiolles, e cila ka kaluar kufijtë e debatit verbal dhe ka përfunduar në shtyrje fizike.Në pamjet që po qarkullojnë me shpejtësi në rrjetet sociale, dy banorët shihen tejet të acaruar, duke iu afruar njëri-tjetrit në mënyrë kërcënuese. Gjatë debatit dëgjohen të dy teksa thonë me tone të larta: “Nuk ka bir nëne që më prek mua”, duke e bërë situatën edhe më të rëndë.
Sherri ka agravuar në momentin kur mes tyre ka pasur kontakt fizik, çka ka detyruar banorët e tjerë të ndërhyjnë për t’i ndarë dhe për të shmangur një incident më serioz. Atmosfera në shtëpi u tensionua ndjeshëm, ndërsa produksioni u detyrua të ndërpresë situatën.
Sipas ndjekësve të formatit, përplasjet mes Edit dhe Fiolles nuk janë të reja dhe prej ditësh janë vënë re “fërkime” të vazhdueshme mes tyre, të cilat duket se këtë herë shpërthyen në mënyrë të pakontrolluar.
Mbetet për t’u parë nëse produksioni do të marrë masa disiplinore ndaj banorëve të përfshirë, ndërsa videoja e incidentit vazhdon të ndezë debat të fortë në rrjetet sociale.
